小插曲
今日，我同我o既好闺密小鱼一齐去咗XX广场行街，
小鱼係我由细玩到大o既青梅竹马，由于佢细细个就生得眉清目秀，白白淨，经典o既一个小生样，所以从小学到中学时期都有好好o既女人缘，係学校中数一数二o既校草，甚至乎听过佢喺中四嗰年，竟然有位女老师喺情人节当日偷偷地送咗盒朱古力俾佢，呢件事当年哄动佢哋全级师生，更是传至全校，成为学校历年神话中o既其中一件，
小鱼大我一年，我记得喺我六岁o既时候，我们一家迁居至新屋，小鱼家就住喺我隔离，由于係隔离邻舍，小朋友时期o既我哋好快就熟络咗，做咗好朋友，小学中学都係同一所学校，相识至今已经十九个年头，
小鱼由细到大，基于生得靓仔，而且学业都係名列前矛，身边总係有不少女生围绕住佢，但往往最亲密嗰个都只会係我，其他女仔佢都不放在眼内，而我本身样貌身材亦绝对係校中o既校花之列，郎才女貌，犹如天作之合，好多同学都会以为我哋係一对情侣，但偏偏我同佢o既感情一直都只能係友达以上，恋人未满，
直至到佢中学毕业o既嗰一日，佢突然向我表白，说出佢心中一直埋藏已久o既秘密，
当时o既我听完佢向我o既徐徐道来，挖心掏肺，一字一句都震撼咗我个心，原来佢由细到大，除咗屋企人之外，一直隐瞒所有人至今都冇公开o既秘密，佢今日将佢讲咗俾佢认为最好o既朋友(即係我)知，原来佢係同。性。恋。者，
佢屋企人一开始知道呢件事时都好难接受，但由于佢係独子，变相屋企人都十分迁就佢，久而久之，就慢慢接受咗佢o既情况，但佢自己本身都唔太想有人知佢有咁o既问题，喺佢同屋企人o既相量之下，喺佢完成中学课程之后，会带佢到泰国最好o既整形医院，进行变性手术，
而当时佢就係想喺过去做手术之前，将呢件事话俾佢最信任o既好朋友知，希望我会接受佢呢一个决定，而且可以继续同佢做朋友，
我听到呢件事o既来龙去脉之后，一开始都表示有啲接受唔到，但同佢咁多年o既感情，驱使我应该要去支持呢位朋友，知道佢明天就要上飞机，我同佢相拥而泣，好似一对好朋友将要永别一样，佢话佢唔想我第二日去送机，希望喺佢有新o既身份之前，呢一次係我哋最后见o既一面。
佢想我陪住佢，过完呢个最后的夜晚，我哋彻夜未眠，倾通顶，倾返好多有甜有苦o既往事，直至天光o既一刻，我哋喺屋企门口嚟咗个最后拥抱，给上我对佢最后的祝福之后，各自红着眼返到自己o既屋企，我倒睡床上，泪水不断流出，已喊shi大半个枕头，喺依依不捨o既情绪下，哭累而睡，
时光飞逝，一年多时间过去，我中年毕业，升读咗大学，喺呢一年多中，由于小鱼o既双亲陪佢过咗泰国，隔离小鱼o既家门都从未打开过，
有一日，课堂钟响起，我早早坐喺课室中等上堂，隔离坐咗班男同学，
“ 喂，你哋知唔知啊？今日我哋有个插班生会嚟上堂喎，”，男同学A，
“我知啊，有听讲过，而且係个靓女嚟添喎，”，男同学B，
“真係？”，男同学C，“有几靓女先！？有冇我哋阿敏咁靓先！？”男同学C含情脉脉望住我，
“咁就紧係冇你个阿敏咁靓啦，哈哈哈……”，男同学B，“边个唔知你媾紧我哋系花阿敏丫，哈哈哈……”，其他几个男同学都一齐哈哈大笑，
“阿敏就紧係最靓㗎啦，”，男同学C又对我单咗下眼，我就做返个鬼脸俾佢，
呢个时候，全班o既目光，无论男男女女，都望住课室门口，皆因门口嚟咗个女仔，佢正回头向身后o既两个男同学微微鞠咗个躬，轻声讲咗两句，应该係嗰两个人帮佢带路，而向佢两个道谢中，
嗰两个人同佢道别后就走咗啦，佢转回身走入课室，所有人o既目光好似都冇离开过佢，如此清新o既身影，束住一条整齐o既小马尾，秀长o既眉毛，高挺o既鼻樑，小嘴搭上尖下巴，加上一双大眼睛，一米七左右o既高佻身型，着住件贴身o既T-Shirt，手臂纤幼，上围却丰满，喺一条花花小短裙o既衬托下，双脚更显修长，玲珑浮凸o既身材，行起路上嚟秀丽又带有少少性感，如此完美o既女仔，连我都望到有啲入神，
佢一路步入课室，一双大眼睛就不停喺课室中，好快地，我同佢就四目相投，
我知我係次见呢个女仔，但望住佢隻眼却俾我有一种好亲切o既感觉，佢见到我望住佢，佢即刻俾咗一个欢欣o既笑容我，而且快步行咗过嚟，
“阿敏，”，个女仔直接坐咗喺我隔离，而且叫得出我个名，就好似一早就识我咁，但我只係呆呆咁望住佢，脑海中完全回忆唔起佢係边个，而佢亦冇再出声，只係一直望住我o既双眼，
“你哋识㗎！？”，旁边o既男同学C疑惑咁问我，但我冇答佢，只係呆呆咁望住眼前o既陌生人，
“阿敏